10 هۆکار وادەکات منداڵەکەت شەوانە نەخەوێت
منداڵ ناتوانێت دەربڕین لەو هەستانە بکات کە هەیەتی، هەربۆیە زۆر کات لە شەودا ناخەوێت و ئەندامانی خێزانەکە بێزاردەکات و دەگری، بەڵام گرنگە و ئەرکی تۆیە هۆکارەکەی بزانیت.
بەگوێرەی هەواڵەکەی “هۆم ریمیدیز” منداڵ کاتێک شەوانە خەوی لێناکەوێت، بەهۆی یەکێک لەم هۆکارانەوەیە:
1-برسێتی و تینوێتی، هەربۆیە گرنگە پێش خەوتنی لەم دوو هەستەی دڵنیابیتەوە، بەگوێرەی تەمەنی.
2-مەمکەمژە، هەندێک منداڵ پێویستیبە ئامرازێکە لە دەمیدا بۆ ئەوەی خەوی لێبکەوێت.
3-گۆڕانکاری لە رۆتینی خەودا، واتە دەبێت کاتژمێری بایەلۆژی جەستەی رێکبخەیت و هەموو شەوێک لە یەک کاتدا بێت، گۆڕانکاری وادەکات نەخەوێت.
4-لە رۆژدا کەشێکی پڕ لە جوڵە و چالاکی بۆ بڕەخسێنە، بەنمونە یاریکردن بە میکانۆ.
5-نەخۆشیەکان، وەک سکئێشە و غازات و سەرمابوون و ئەنفلۆنزا، یان دەرهاتنی ددان، هەموو ئەمانە هۆکارن بۆ نەخەوتن.
6-دووری لە دایکییەوە، هەست بە دڵنیایی ناکات و دەگری.
7-گۆڕانکاری لە جێگاکەی یان پلەی گەرمی ژوورەکە.
8-فێربوونی منداڵ بە ئەزموونێکی نوێ، بە نمونە پێی گرتووە، یان دانیشتن.
9-بەرنەکەوتن بە رووناکی تیشکی خۆر لە رۆژدا، کە یارمەتی گەشەی دەدات.
10-خەوی کورتی رۆژ یان ئێوارە، وادەکات لە کاتی خۆیدا نەخەوێت.
