سه‌رۆك بارزانی پێشوازی له كونسوڵی میسر ده‌كات
سەرۆك بارزانی و ئه‌حمه‌د جیهاد كونسوڵی وڵاتی میسر له هه‌ولێر، جه‌ختیان له‌سه‌ر فراوانكردن و پێشخستنی په‌یوه‌ندییه‌كانی نێوان هه‌ولێر و قاهیره كردەوە.
ئەمڕۆ چوار شه‌ممه 6ی2ی2019 لە سەلاحەددین سەرۆك بارزانی پێشوازی لە ئه‌حمه‌د جیهاد كونسوڵی وڵاتی میسر له هه‌ولێر كرد.
له‌دیداره‌كه‌دا رۆشنایی خرایە سەر په‌یوه‌ندییه‌كانی نێوان كوردستان و وڵاتی میسر، سه‌رۆك بارزانی جه‌ختی له‌سه‌ر ئه‌وه‌كرده‌وه، په‌یوه‌ندییه‌كانی گەلی كوردستان و خه‌ڵكی میسر و حكوومه‌تی ئه‌و وڵاته مێژوویه‌كی پته‌وی هه‌یه.
هه‌ر له دیداره‌كه‌دا، جه‌خت له‌سه‌ر فراوانكردن و پێشخستنی په‌یوه‌ندییه‌كانی نێوان هه‌ولێر و قاهیره كرایه‌وه.
