نوری حه‌مه عه‌لی: هه‌وڵه‌كان به‌و ئاراسته‌یه‌ن سه‌ره‌تا له‌گه‌ڵ یه‌كێتی و دواتر له‌گه‌ڵ لایه‌نه‌كانی تر رێكه‌وتن بكرێت
دوای به‌ره‌وه پێشچوونه‌كانی په‌یوه‌نی نێوان پارتی یه‌كێتی له‌سه‌ر پێكهێنانی كابینه‌ی نوێێ حكومه‌ت ،ئه‌ندامێكی سه‌ركردایه‌تی پارتی دیموكراتی كوردستان ڕایده‌گه‌یه‌نێت” هه‌موو هه‌وڵه‌كان به‌و ئاراسته‌یه‌ن سه‌ره‌تا رێكه‌وتن له‌گه‌ڵ یه‌كێتی بكرێت و دواتر له‌گه‌ڵ لایه‌نه‌كانی دیكه.”
نوری حه‌مه‌عه‌لی ئه‌ندامی سه‌ركردایه‌تی پارتی دیموكراتی كوردستان ڕاگه‌یاند: “ئه‌و ڕێكه‌وتنه‌ی له‌نێوان پارتی و یه‌كێتی بۆ پێكهێنانی كابینه‌ی نوێی حكومه‌ت ئه‌نجامده‌درێت، هه‌ردولایه‌ن لێی پاشگه‌زنابنه‌وه‌و پێوه‌ی پابه‌ند ده‌بن”.
نوری حه‌مه‌عه‌لی به‌رپرسی میحوه‌ری ڕۆژئاوای كه‌ركوك گوتیشی:”تائێستا له‌لایه‌ن پارتیه‌وه بڕیاری له‌و شێوه‌یه نه‌دراوه كه بزوتنه‌وه‌ی گۆڕان به‌شداری كابینه‌ی نوێی حكومه‌تی پێنه‌كرێت، به‌ڵكو هه‌موو هه‌وڵه‌كان به‌و ئاراسته‌یه‌ن سه‌ره‌تا رێكه‌وتن له‌گه‌ڵ یه‌كێتی بكرێت و دواتر له‌گه‌ڵ لایه‌نه‌كانی دیكه‌ش كه به‌شداری حكومه‌ت ده‌كه‌ن ڕێكه‌وتن ئه‌نجامبدرێـت”.
نوری حه‌مه عه‌لی ڕونیشیكرده‌وه و گووتی:”هه‌واڵی به‌شداریپێنه‌كردنی گۆڕان له‌لایه‌ن پارتیه‌وه هیچ بنه‌مایه‌كی نییه‌و دوره له‌ڕاستیه‌وه، به‌ڵكو هه‌موو هه‌وڵه‌كان به‌و ئاڕاسته‌یه‌ن له‌م هه‌فته‌یه‌دا كۆبونه‌وه له‌نێوان پارتی و گۆڕان ئه‌نجامبدرێت”.
نوری حه‌مه‌عه‌لی ئه‌ندامی سه‌ركردایه‌تی پارتی دیموكراتی كوردستان ده‌شلێت:”دوای ئه‌نجامدانی كۆبونه‌وه‌ی پارتی له‌گه‌ڵ بزوتنه‌وه‌ی گۆڕان دواتر كۆبونه‌وه‌یه‌كی سێ قۆڵی له‌نێوان هه‌ریه‌ك له‌یه‌كێتی و پارتی و گۆڕان له‌باره‌ی پێكهێنانی كابینه‌ی حكومه‌ت ده‌درێت و دواتر بڕیاری كۆتایی په‌یوه‌ست به‌كابینه‌ی حكومه‌ت نوێی حكومه‌ت ده‌درێت”.
