گوته‌بێژی پارتی بۆ ئه‌میر كینانی : خواستی ئێرانه هه‌م تۆ ڕاوێژكار و خه‌ڵكی تریش سه‌رۆككۆمار بێت
مه‌حموود محه‌مه‌د، گوته‌بێژی پارتی دیموكراتی كوردستان، له راگه‌یه‌ندراوێكدا، له باره‌ی پۆستی سه‌رۆكایه‌تی كۆمار، وه‌ڵامی ئه‌میر كه‌نانی، راوێژكاری سه‌رۆككۆماری عێراق ده‌داته‌وه.
له چاوپێكه‌وتنێكدا له كه‌ناڵی العراقیه ،ئه‌میر كینانی سه‌ركرده‌ی ڕه‌وتی سه‌در و ڕاوێژكار له سه‌رۆكایه‌تی كۆماری عێراق باس له هه‌وڵێكی كۆماری ئیسلامی ئێران ده‌كات له پێناوی ئه‌وه‌ی كورسی سه‌رۆكایه‌تی كۆماری عێراق بۆ “د.فواد حوسێن” بێت ،ئێران ئاماده‌بووه ۱۰۰ ملیۆن دۆلار بدات .
لای خۆیه‌وه مه‌حموود محه‌مه‌د، گوته‌بێژی پارتی دیموكراتی كوردستان له ڕاگه‌یه‌نراوێكدا ڕایگه‌یاند:” قسەكانی ڕاوێژكاری سەرۆكایەتیی كۆماری عێراق (ئەمیر كینانی) لەبارەی بابەتی سەرۆككۆمار و بارزانی و پارتی لەگەڵ تەلەفزیۆنی ئەلعێراقیە جێگەی سەرسووڕمانە”.
هه‌روه‌ها گوته‌بێژی پارتی دیموكراتی كوردستان ده‌ڵێت: “پێدەچێ ئەو كابرایە لەوەتای بووەتە ڕاوێژكار، هەوڵی گەوجاندن و شۆردنی مێشكی درابێت”.
مه‌حموود محه‌مه‌د گوته‌بێژی پارتی دیموكراتی كوردستان، له باره‌ی پۆستی سه‌رۆككۆماری عێراقیشه‌وه، وه‌ڵامی ئەمیر كینانی ده‌داته‌وه و ده‌ڵێت: ” لەوەڵامی قسە ناڕاستەكانیشیدا دەڵێین” ئەگەر ئێران حەزی لێ نەبا و نەیویستبا، نە بەڕێزت ئێستا راوێژكاری سەرۆك كۆمار دەبووی و نە ئەوەی ئێستا بووەتە سەرۆك كۆمار، دەبوو بە سەرۆك كۆمار”.
ده‌قی ڕاگه‌یه‌نراوه‌كه‌ی گوته‌بێژی پارتی دیموكراتی كوردستان
“وەڵامێك بۆ ئەمیر كینانی ڕاوێژكاری سەرۆكایەتیی كۆماری عێراق
قسەكانی ڕاوێژكاری سەرۆكایەتیی كۆماری عێراق (ئەمیر كینانی) لەبارەی بابەتی سەرۆككۆمار و بارزانی و پارتی لەگەڵ تەلەفزیۆنی ئەلعێراقیە جێگەی سەرسووڕمانە. پێدەچێ ئەو كابرایە لەوەتای بووەتە ڕاوێژكار، هەوڵی گەوجاندن و شۆردنی مێشكی درابێت.
لەوەڵامی قسە ناڕاستەكانیشیدا دەڵێین، ئەگەر ئێران حەزی لێ نەبا و نەیویستبا نە بەڕێزت ئێستا ڕاوێژكاری سەرۆك كۆمار دەبووی و نە ئەوەی ئێستا بووەتە سەرۆك كۆمار، دەبوو بە سەرۆك كۆمار.
مەحمود محەمەد
وتەبێژی پارتی دیموكراتی كوردستان
9ـی 2ـی 2019”
