هەواڵێکی بەپەلە .. لەبارەی ڕێکەوتنەکەی پارتی و یەکێتی .. پێش ۱۸ـی مانگی پەرلەمانی کوردستان چی دەکرێ.؟!
![](https://xwakurk.com/wp-content/uploads/2016/12/4234342342.png)
بەرپرسێکی پارتی دیموکراتی کوردستان ئاشکرای کرد کە پێش کۆبوونەوەی ١٨ی شوباتی ٢٠١٩، پارتی لەگەڵ یەکێتیی نیشتمانیی کوردستان کۆبوونەوەیەکی دیکە ئەنجام دەدەن.
بڵند ئیسماعیل، بەرپرسی لقی ١٦ی پارتی ڕایگەیاند: ڕەشنووسێک لەلایەن لێژنە ھاوبەشەکەی نێوان یەکێتی و پارتییەوە ئامادە کراوە، ھەروەھا دراوە بە ھەردوو مەکتەبی سیاسی و دیراسە دەکرێت، ئەگەر گەیشتنە ئەنجامی کۆتایی، ئەوا کۆبوونەوە لەسەر ئاستی ھەردوو مەکتەبی سیاسیی پارتی و یەکێتیدا دەکرێت و ڕێککەوتنەکە ڕادەگەیەنرێت، زیاتر ڕونیکردەوە کە کۆبوونەوەکەی یەکێتی و پارتی پێش ١٨ مانگ ئەنجام دەدرێت و تێیدا ئەو پرۆژەیەی کە لێژنە ھاوبەشەکەی نێوانیان ئامادەیان کردووە و بە مەکتەب سیاسییەکانیان داوە، ”تاوتوێ دەکرێت.
بڵند ئیسماعیل جەختی لەوە کردەوە کە پڕۆژەکە ”زیاد و کەمی“ی تێدا دەکرێت و بۆ ڕێککەوتنی سیاسییە لەم قۆناغەدا،زیاتر ئاشکرای کرد کە ڕێککەوتنە سیاسییەکە تەنیا پەیوەندی بە دابەشکردنی پۆست و پێکهێنانی حکوومەتەوە نییە، بەڵکوو کارنامەی حوکمڕانی لە کوردستان لە نێوان یەکێتی و پارتی لەم ساڵانەی دوایی، تێڕوانینیان بۆ بەغدا، ھەڵوێستی ھاوبەشیان بەرامبەر ئەو کێشانەی لە ھەرێمی کوردستان ھەن، ”دەخرێنە ڕوو”.