شنگال په‌كه‌كه كاره‌بای هاوڵاتیان ده‌برێت و هانیان ئه‌دات بۆ توندوتیژی و خۆپیشاندان
بەرپرسێ هێزا پێشمەرگەهێ پاراستنا چیایێ شنگال دیار كر ل دەڤەرا دهۆلا و بۆرك و هندەك جهێن دی یێن سەرب قەزا شنگالێ ڤە پەكەكە كارەب ژ وەلاتیان بریە وفشاری ل سەر خەلكێ دروست دكەت دەست خوەپێشاندانان بكەن.
شێخ مەجدەل، بەرپرسێ هێزا پێشمەرگەهێ پاراستنا چیایێ شنگال دیار كر: “پشتی دەرگەهێ سنۆری دناڤبەرا رۆژئاڤایێ كوردستانێ و شنگال دا هاتیە دائێخستن ژلایێ حەشدا شەعبی و عێراقی ڤە، رێك ل پەكەكێ هاتیە گرتن ونۆكە پەكەكە هەموو هەولدانان دكەت وو دەرگەهی جارەكا دی ڤەكەت لەورا ژی یا فشاری لسەر خەلكێ دروست دكەت وەلاتی بهێنە سەر جادەیان وخوەپێشاندانان بكەن وكارەب ل هندەك گوندێن سەر شنگال ژی برینە و گۆتیە خەلكێ پێدڤیە هوون خوەپێشاندانان بۆ ڤەكرنا دەرگەهێ ناڤبەرا رۆژئاڤایێ كوردستانێ و شنگالێ دا ئەنجام بدەن”.
بەرپرسێ هێزا پێشمەرگەهێ پاراستنا چیایێ شنگال خویا ژی كر: “نۆكە ل شنگال حەشدا شەعبی رێكێ ل پەكەكێ دگرت بتایبەتی ژی ل ئەو رێكا ل دەڤەرا باری قەزا شنگال هاتیە ڤەكرن و پەكەكە ژی هەولدەت خەلكێ رازی بكەت وخەلك خوەپێشاندانان ئەنجامبدەن بۆ ڤەكرنا رێكێ”.
