بەپەلە.. بەهۆی یەکێتییەوە کۆبوونەوە چاوەڕوانکراوەکە دواخرا..
بڕیاربوو ئەمڕۆ دووشەممە ١٨-٢-٢٠١٩، ئەنجومەنی پارێزگای کەرکووک بە ئامادەبوونی ئەندامانی لیستی پارتی دیموکراتی کوردستان و یەکێتیی نیشتمانیی کوردستان، لە شاری ھەولێر کۆ ببێتەوە.
جوان حەسەن، ئەندمی ئەنجومەنەکە بە کەناڵی (کوردستان ٢٤)ی راگەیاندووە، ”بەھۆی نەھاتنە پێشەوەی یەکێتی، کۆبوونەوەکە دواخرا.
لە ڕۆژی ٥ی شوباتی ٢٠١٩، پارتی و یەکێتی لەسەر ئەوە ڕێککەوتن کە کۆبوونەوەی ئەنجومەنی پارێزگای کەرکووک، ئەمڕۆ دووشەممە ١٨ی شوبات لە هەولێر بکرێت، بەڵام دواتر بەرپرسانی یەکێتی لە شوێنی کۆبوونەوەکە پاشگەز بوونەوە و پێداگریشیان لەوە کرد کە دەبێت پارێزگاری کەرکووکیش دەستنیشان بکرێت.
دوای داگیرکردنی کەرکووک لە ئەنجامی خیانەتی ١٦ـی ئۆکتۆبەر لەلایەن میلیشیاکانی حەشدی شەعبییەوە، پارتی بەشداریی ھیچ کۆبوونەوەیەکی ئەنجومەنەکەی نەکردووە.
