له‌م كاته‌دا مرۆڤ ئه‌و شته‌ی بیر دێته‌وه كه‌نایه‌وێت و ئه‌و شته‌ی بیر ده‌چێته‌وه كه ده‌یه‌وێت بێته‌وه بیری
بیر چوونه‌وه ئێستا بۆته یه‌كێك له گرفته باوه‌كان ته‌نانه‌ت له‌و كه‌سانه‌شدا كه گه‌نجن و ته‌مه‌نێكی زۆریان نییه، به‌ڵام له هه‌ندێك حاڵه‌ته‌دا مرۆڤ به ته‌واوه‌تی ئه‌و شتانه‌ی له یاد ده‌چێت، له‌م بابه‌ته‌وه دكتۆر سامان شه‌ریف پزیشكی پسپۆڕی ده‌رونی هۆكاری ئه‌م حاڵه‌ته له ڕووی ده‌ورنیه‌وه ڕون ده‌كاته‌وه.
ئه‌م پزیشكه ده‌ڵێت”یەکێك لە گەورەترین کێشەکانی مێشکی ئادەمیزاد ئەوەیە کە ئەو شتەی بیردەکەوێتەوە کە دەیەوێت بیری بچێتەوە وە لە ھەمان کاتیشدا ئەو شتەی بیر دەچێتەوە کە دەیەوێت بیری بکەوێتەوە.
هۆكاری ئه‌م حاڵه‌ته‌ش ده‌گڕێته‌وه بۆ ئه‌وه‌ی”لەو کاتانەدا یاده‌وه‌ری و مێشکی مرۆڤ بە پێچەوانەی ویست و خواستی مرۆڤەکە ئیش دەکات، ئەمەش زیاتر لەکاتی بوونی فشارو دڵەڕاوکێ و خەمۆکیدا ڕوو دەدات.”
