بێ ئه‌وه‌ی یه‌ك دینار بده‌ن بۆ 7 وڵات گه‌شتیان كرد
دوو هاوسه‌ری ئه‌ڵمانی توانیان گه‌شت بۆ 7 وڵات بكه‌ن بێ ئه‌وه‌ی ته‌نها یه‌ك دینار خه‌رج بكه‌ن.
نیگال و میكا نیگال ئاشكرایان كرد له ماوه‌ی 9 مانگدا توانیویانه گه‌شت بۆ 7 وڵات بكه‌ن بۆ ئه‌وه‌ی كه‌مێك له وڵاتی خۆیان و كاری خۆیان دوور بكه‌ونه‌وه.
ئه‌م دوو هاوسه‌ره له‌ڕێی كاركردن له گه‌شته‌كه‌یان توانیویانه خواردن و شوێنی مانه‌وه و هۆكاره‌كانی گه‌یاندن به به‌لاش ده‌ستیان بكه‌وێت به‌گوێره‌ی ئه‌و هه‌واڵه‌ی پێگه‌ی ئه‌نادۆڵ له‌سه‌ر ئه‌م دوو هاوسه‌ره بڵاویكردۆته‌وه.
ئه‌م دوو گه‌شتیاره تایبه‌ته پێش ئه‌وه‌ی بگه‌نه توركیا هه‌ره‌یه‌ك له وڵاته‌كانی بولگاریا و ڕۆمانیا و نه‌مسا و مه‌جه‌ر و چیك گه‌ڕاون و دواتر چونه‌ته پۆڵه‌ندا و پاشان چونه‌ته توركیا و ماوه‌ی چه‌ند هه‌فته‌یه‌ك له شاره‌كانی ئه‌سته‌نبوڵ و ئه‌نتاڵیا و ئیزمیر ماونه‌ته‌وه.
