سهعدى پيره: ههقه شانازى به سهركهوتنهكانمان بكهين و كار بكهين بۆ دووباره نهبوونهوهى ههڵهكان
![](https://xwakurk.com/wp-content/uploads/2017/01/saddi-ahamad-pira.jpg)
سهعدى ئهحمهد پيره، ئهندامى مهكتهبى سياسى يهكێتى نيشتمانى كوردستان له چلهى كۆچى دوايى محهممهدى مهلا قادر، ئهندامى پێشووى مهكتهبى سياسى پارتى، باسى رهوشى سياسى ئهمڕۆى ههرێمى كوردستانى كرد و رايگهياند، ئهمڕۆ لهبهردهم تاقيكردنهوهيهكى گهورهداين. ئێمه بهيهكهوه توانيمان كوردستانێكى ناياب بنياتبنێين.
سهعدى پيره گوتيشى: توانيمان بيسهلمێنين كورد تواناى خۆڕاگرى و ئيدارهدان و دهوڵهتدارى ههيه.
ههروهها گوتى: سهرهڕاى ناكۆكييهكانمان توانيمان پهيوهندييهكى نێودهوڵهتى باش رێكبخهين، كه بووهته جێى مهترسى ناحهزهكانمان و توانيمان رووبهڕووى داعش ببينهوه و دوو ههڵبژاردنيش ئهنجام بدرێن، كه ههڵبژاردنى پهرلهمانى كوردستان و پهرلهمانى عێراق بوون.
سهعدى پيره ههروهها گوتى: ئێمه ههقه شانازى به سهركهوتنهكانمان بكهين و كار بكهين بۆ دووباره نهبوونهوهى ههڵهكان. كهم ههڵه ماوه نهمان كردووه، بهڵام هيوادارين ئهو ههڵانهى ئێمه كردوومانه پارچهكانى ديكه نهيكهن و ئهو ههڵانه كراوون و بوونهته رابردوو و پهندمان لێوهرگرتووه.