خواردنی سیر و پیاز لەم نەخۆشییە مەترسیدارە دەتپارێزێت
ئەنجامی توێژینەوەیەکی نوێ ئاشکرایدەکات رۆژانە خواردنی سیر و پیاز، دەتپارێزێت لە توشبوونت بە نەخۆشییەکی مەترسیدار.
توێژەران رایدەگەیەنن، رۆژانە خواردنی سەوزەمەنی، سیر و پیاز یاخود تەڕەپیاز، لە ئەگەری توشبوون بە نەخۆشی شێرپەنجەی کۆڵۆن دوورتدەخاتەوە.
توێژیەنەوەکە لە زانکۆیەکی چین لەسەر 1600 ژن و پیاو ئەنجامدراوە، تێیدا دەرکەوتوە، ئەو کەسانەی بەبەردەوام رۆژانە بڕێک لە سیر و پیاز یاخود تەڕەپیاز دەخۆن، ئەگەری تووشبونیان بە نەخۆشی شێرپەنجەی کۆڵۆن کەمدەبێتەوە.
توێژەران روونیدەکەنەوە، پێویستە رۆژانە 45 گرام لە پیاز و سیر بخورێت.
لە ئەنجامی توێژینەوەکانی پێشووتریشدا هاتوە، سەوزەمەنی و سیر دەبێتە هۆی کەمبوونەوەی ئەگەری توشبوون بە شێرپەنجەی مەمک و پرۆستات.
