هەفتەی داهاتوو مووچەی مانگی ١٢ـی ئەو وەزارەتانە دابەش دەکرێت
وەزارەتی دارایی و ئابووریی حکوومەتی ھەرێمی کوردستان دەست بە دابەشکردنی مووچەی مانگی ١٢ـی ٢٠١٨ی فەرمانبەرانی هەرێمی کوردستان دەکات و هەفتەی داهاتووش مووچەی چەند وەزارەتێک دابەش دەکرێت.
بەپێی ئەو زانیارییانەی (خـواكورك) لە دیوانی وەزارەتی داراییەوە دەستی کەوتووە، بەپێی خشتەی دابەشکردنی مانگانەی مووچەی فەرمانبەران، ڕۆژی سێشەممە ٥ی ٣ی ٢٠١٩ دابەشکردنی مووچەی مانگی ١٢ی ٢٠١٨ دەست پێ دەکات، بەڵام بەهۆی ئەوەی ئەو رۆژە پشووە، ئەگەر بڕیارێک لەلایەن وەزارەتی داراییەوە نەدرێت کە ئەو ڕۆژەش مووچە دابەش بکرێت، ئەوا دابەشکردنەکە دەکەوێتە رۆژی چوارشەممە ٦ی ئادار.
هەمان سەرچاوە ڕوونی کردەوە کە لە هەردوو حاڵەتدا، هەفتەی داهاتوو مووچەی هەردوو وەزارەتی پێشمەرگە و لیواکانی پێشمەرگە لەگەڵ وەزارەتی پەروەردە دابەش دەکرێت، هەفتەی ڕابردوو (خواکورك) بڵاوی کردووەتەوە کە وەزارەتی دارایی هەوڵی ئەوە دەدات، پێش جەژنی نەورۆز، مووچەی مانگی ١٢ی سەرجەم فەرمانبەران و مووچەخۆرانی هەرێمی کوردستان دابەش بکات.
