به‌بێ ئامادده‌بوونی یه‌كێتی خولى به‌هاره‌ى ياسادانانى په‌رله‌مانى كوردستان ده‌ستيپێكرد
کەمێک پێش ئێستا زەنگی ئاگادارکردنەوەی فراکسیۆنەکان بۆ ئامادەبوون لە هۆڵی کۆبوونەوەی پەرلەمان لێدرا.
ئەو کۆبوونەوەیە، کە فراکسیۆنی یەکێتیی نیشتمانیی کوردستان رەتی کردووەتەوە بەشداریی تێدا بکات، یەکەم کۆبوونەوەی ئاسایی خولی بەهارەی ساڵی یەکەمە لە خولی پێنجەمی پەرلەمانی کوردستان.
به سه‌رۆكايه‌تى ڤالا فه‌ريد، سه‌رۆكى په‌رله‌مان و هێمن هه‌ورامى جێگرى سه‌رۆك و مونا قاوه‌چى سكرتێرى په‌رله‌مان، كۆبوونه‌وه‌ى يه‌كه‌مى وه‌رزى به‌هاره‌ى ساڵى يه‌كه‌مى خولى پێنجه‌مى هه‌ڵبژاردنى په‌رله‌مانى كوردستان ده‌ستيپێكرد.
له وتارى كردنه‌وه‌ى دانيشتنه‌كه‌دا، ڤالا فه‌ريد، رايگه‌ياند، هه‌وڵه‌كانمان ده‌خه‌ينه گه‌ڕ بۆ ئه‌وه‌ى ئه‌و ياسا و بڕيارانه ده‌ربكه‌ين كه له به‌رژه‌وه‌ندى خه‌ڵكدان و كار ده‌كه‌ين بۆ ئه‌وه‌ى ده‌ست به چاكسازى بكرێت.
گوتيشى: له هه‌موو كاره‌كانماندا پشت به راوێژ و هه‌ماهه‌نگى و بێلايه‌نى ده‌به‌ستين بۆ ئه‌وه‌ى بتوانين هه‌رچى زياتره خزمه‌ت بكه‌ين و ئه‌و ياسايانه‌ى ره‌هه‌ندى نيشتمانيان هه‌يه به كۆده‌نگى بڕياريان له باره‌وه بدرێت.
له كۆبوونه‌وه‌كه‌دا فراكسيۆنى يه‌كێتى ئاماده نه‌بوو، هاوكات 4 په‌رله‌مانتاريش داواى مۆڵه‌تيان كردبوو، به‌ڵام سكرتێرى په‌رله‌مان، مونا قاوه‌چى رايگه‌ياند، به گوێره‌ى په‌يڕه‌وى ناوخۆى په‌رله‌مان، فراكسيۆنى يه‌كێتى به نه‌هاتوو هه‌ژمار ناكرێت.
