هۆکاری بەرزبوونەوەی نرخی تەماتە ئاشکرا دەکرێت
ئێران رێگەنادات تەماتە ھەناردەی ھەرێمی كوردستان بكرێت و بەوھۆیەوە نرخی تەماتە بەرزبووەتەوە.
بازرگانانی بازاڕی سەرەکی سەوزە و میوە (عەلوە)ی ھەولێر ئاماژەبەوەدەكەن، ھۆكاری بەرزبوونەوەی نرخی تەماتە ئەوەیە كە ئێران ھەناردەكردنی تەماتەی بۆ ھەرێمی كوردستان قەدەغەكردووە و ھەروەھا بەرھەمی تەماتەی خۆماڵیش پێداویستی ناوخۆیی پڕناكاتەوە.
ئاماژەبەوەشكردێت، لە سنووری ئێران رێگە بەجووتیاران و بازرگانان نادرێت بەرھەمی كشتوكاڵی بەتایبەتی تەماتە ھەناردەی هەرێمی كوردستان بكرێت.
ئەمەش وایكردووە لەماوەی چەند رۆژی رابردوودا، تەماتە لە بازاڕەكاندا كەمبێتەوە و نرخەكەشی روو لە بەرزبوونەوە بكات.
