راگەیێندراوی بزووتنەوەی گۆڕان لە بارەی رێككەوتنی پارتی و یەكێـتی
دوای ئەوەی ئەمڕۆ لەشاری ھەولێر، كۆبونەوەی ھەردوو مەكتەبی سیاسی پارتی دیموكراتی كوردستان و یەكێتی نیشتمانیی كوردستان لەسەر ئاستی باڵادا ئەنجامدرا و یەكێتی و پارتی لەسەر پێكھێنانی كابینەی حكومەت و پرسی كەركوك و بەغدا رێككەوتن.
لەسەر رێككەوتنەكەی ئەمڕۆ كە لەنێوان یەكێتی و پارتی واژوو كرا، بزوتنەوەی گۆڕان راگەیەندراوێكی بڵاوكردەوە و ئاماژەی بەوەدا كە رێككەوتنەكە بە هەنگاوێكی باش و ئاڕاستەیەكی دروست بۆ ئەم قۆناغە دەزانن.
دەقی راگەیەندراوەكە:
ڕاگەیەندراوێك لە بزووتنەوەی گۆڕانەوە:
بزووتنەوەی گۆڕان ڕێككەوتنی پارتی و یەكێتی بە هەنگاوێكی باش و ئاڕاستەیەكی دروست دەزانێت بۆ ئەم قۆناغە، لە پێناوی خزمەتكردنی پڕۆسەی سیاسی و بەرژەوەندی باڵای میللەتەكەمان و سەقامگیری لە كوردستان و عێراقدا.
بزووتنەوەی گۆڕان
4/3/2019
