باڵەكانی ناو یەكێتی كێشەی بۆ قوباد تاڵەبانی دروستكردووە
سەرەڕای رێكەوتی لەگەل پارتی و تێپەڕبوونی نزیكەی ٢٠٠ رۆژ بەسەر ھەڵبژاردنی ھەرێمی كوردستان، بەلام یەكێتی تا ئێستا نەیتوانیوە كاندیدەكانی بۆ پۆستە باڵاكانی ھەرێم دیاری بكات و (خواكوڕك) نھێنیەكە ئاشكرا دەكات.
بەپێی زانیاریەكانی (خواكوڕك) كە لە ناو سەركردایەتی یەكێتی دەستی كەوتوون، كێشەی نێوان باڵەكانی یەكێتی قوڵبووتەوە و بەڕادەیەك لە ئێستادا مەترسی لەسەر كاندیدكردنی كەسێكی تر ھەیە لە شوێنی قوباد تاڵەبانی بۆ پۆستی جێگری سەرۆكی حكومەتی ھەرێمی كوردستان.
ئەو سەرچاوەیە كە نەیویست ناوی ئاشكرا بكرێت ڕایگەیاند: مەكتەبی سیاسی یەكێتی كەسێكی دیكەی لە شوێنی قوباد تاڵەبانی بۆ پۆستی جێگری سەرۆكی حكومەت دیاریكردووە، بەلام قوباد تاڵەبانی پێداگیری لەوە دەكات كە جارێكی تر كاندیدی بێڕكابەری یەكێتی بێت بۆ ئەم پۆستە.
(خواكوڕك) زانیویەتی ماڵی مام جەلال بەم ھەنگاوەی مەكتەبی سیاسی یەكێتی دڵگران بووەو، پێی وایە بڕیارەكە لە بەرژەوەندی دەرباز كوسرەت رەسوڵە.
