مەسرور بارزانی داوای پاڵپشتی زیاتر بۆ هێزی پێشمەرگە دەکات
![](https://xwakurk.com/wp-content/uploads/2019/03/مهسرور-بارزانی-هاوپەیمانان.jpg)
لە کۆبوونەوەیەکی لەگەڵ شاندێکی باڵای سەربازیی هاوپەیمانان، مەسرور بارزانی، راوێژکاری ئەنجوومەنی ئاسایشی هەرێمی کوردستان بەردەوامی پاڵپشتییەکانی هاوپەیمانان بۆ هێزی پێشمەرگە بە گرنگ دەزانێت.
ئەمرۆ چوارشەممە 13/3/2019 مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە شاندێکی باڵای سەربازی هاوپەیمانان بۆ بواری چاکسازیی و مەشق و راھێنانی ھێزی پێشمەرگە کرد و داوای پاڵشتی زیاتری بۆ هێزەکانی پێشمەرگە کرد.
له دیدارێكدا، وێڕای هەڵسەنگاندن بۆ دوا میکانیزم و بەڕێوەچوونی پرۆسەی چاکسازیی و رێکخستنەوەی وەزارەتی پێشمەرگە، ئەگەری سەرهەڵدانەوەی داعش و پەرەسەندنی جمۆجۆڵەکانیان تاوتوێکرا.
لەوبارەوە، مەسرور بارزانی سوپاسی هەوڵەکانی هاوپەیمانی کرد و هیوای بهردهوامی هاوكارییەکانی خواست به تایبهتی له بواری چاكسازیی و رێكخستنهوهی وهزارهتی پێشمهرگهدا.
هەروەها، مەسرور بارزانی، بۆ رێگەگرتن لە مەترسی و هەڕەشەکانی تیرۆریستان، هاوکاریی هەمەلایەنە و رەخساندنی زەمینەی لەباری بۆ ئاسایی کردنەوە و چارەسەریی کێشە سیاسی و
ئیداری و دەستوریەکانی بە پێویست زانی .
لای خۆیهوه شاندی میوان وێڕای جهختكردنهوه له هاوکاری زیاتری هێزی پێشمەرگە بۆ بەرەوپێشبردنی پرۆسەی چاکسازیی و رێکخستنەوەی وەزارەتی پێشمەرگە، پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقیەکان لە گشت ناوچەکان راگەیاند.