یەكێتی داوای پۆستەكانی گوڕانی كردووە و پارتیش ڕەتیكردووتەوە ھیچ پۆستێك لە گوڕان وەرگرێتەوە
دوێنێ سێ شەمە، كۆبوونەوەی پارتی و یەكێتی ئەنجام درا و (خواكوڕك) ناوەرۆكی كۆبوونەوەكە ئاشكرا دەكات.
بەپێی زانیاریەكانی (خواكوڕك) كە لە نێو كۆبوونەوەی پارتی و یەكێتی دەست كەوتوون: یەكێتی چاوی لە پۆستەكانی بزۆتنەوەی گوڕانە كە لەلایەن پارتیەوە بە ڕێكەوتن پێیدراون، لە كۆبوونەوەكەدا شاندی یەکێتی داوایان لە پارتی کردووە چاو بە رێککەوتنەکەیان لەگۆڕان بخشێیننەوە و هەندێک لەو پۆستانە بدەن بەوان کە دراون بە گۆڕان، بەڵام پارتی رەتی کردۆتەوە و بە یەكێتیان گوتووە داوای هیچ پۆستێک مەکەن کە دراوە بەگۆڕان و ھەموو بڕگەكانی رێكەوتنی پارتی و گۆڕان وەك خویان جێبەجێ دەكرێن.
خواكوڕك زانیویەتی یەكێتی داوای پۆستەكانی وەزیری ناوخۆ وتەندروستی و شارەوانی و کشتوکاڵ و فەرمانگەی پەیوەندیەکان دەرەوەی کردووە، بەلام پارتی ڕەتیكردووتەوە ئەم وەزارەتانە بەیەكێتی بدرێت.
بەپێی رێكەوتنێكی پێشووتری پارتی و یەكێتی پۆستەكانی یەكێێی لە حكومەت بریتین لە وەزارەتەکانی (پێشمەرگە، پلاندانان، کشتوکاڵ،پەروەردە،گواستنەوە وگەیاندن).
ھەر لە كۆبوونەوەكەدا یەكێتی داوای كردووە لە بری پۆستی سەرۆكی پەڕلەمان، پۆستی جێگری سەرۆكی ھەرمیان پێبدرێت كە بەر گوڕان كەوتووە، پارتی ئەم داوایەشی ڕەتكردووتەوە.
