فراكسیۆنی پارتی لە موسڵ: پۆستی جێگری پارێزگاری موسڵ ئیستحقاقی خۆمانە

سەرۆکی فراکسیۆنی پارتی لە ئەنجومەنی پارێزگایی مووسڵ ڕایگەیاند، هیچ لایەنێک بۆی نییە باسی پۆستی جیگری یەکەمی ئەنجومەنی پارێزگای مووسڵ بکات، چونکی ئیستحقاقی ئەوانە.

دوایی نقوومبوونی بەلەمێکی گەشتیاری، زیاتر لە ١٠٠ کەس بوونە قوربانی و، بە بڕیاری سەرۆکوەزیرانی عێراق، بڕیاری دەستلەکارکێشانەوە بۆ پارێزگاری مووسڵ و هەردوو جێگرەکانی دەرکرا.

بەرەکات شەمۆ، لە لێدوانێکی ماڵپەڕی فەرمیی پارتی دیموکراتی کوردستاندا گوتی: “لەسەر ئەو کارلادانەش، پارتی مافی خۆیەتی کەسێکی تر بەربژێر بکات بۆ ئەو پۆستە”.

شەمۆ گوتی: “پارتی خاوەنی ٩ کورسیی ئەنجومەنە و ئێمە زۆرینەین، ئەو ئیستحقاقە بۆ کوردە، لەنێو کوردیشدا بۆ پارتییە، چونکە کورد لەو ئەنجومەنەدا خاوەنی ١٢ کورسییە”.

شەمۆ ئاماژەیشی دا: “ئێمە دەنگ بە هیچ پارێزگارێک نادەین تا تەوافقێک لەنێو ئەنجومەندا دروست نەبێت.”