سەرۆكایەتی هەریم بەشێك لەمیدیا عەرەبی بەدرۆ دەخاتەوە
خواكوڕك
سه‌رۆكايه‌تى هه‌رێمى كوردستان به‌شێك له ميديا عه‌ره‌بيه‌كان بەدرۆ دەخاتەوە لەمەر گواستنەوەی وتارەكەی و دەلێت ژمارەیەكیش لەو دەزگایانە بە هەڵە باسیان لە بڕگەی كشانەوە و مانەوەی هێزەكانی پێشمەرگە كرد لە ناوچە ئازادكراوەكان لە میانەی ئەو وتارەی كە بەڕێزیان بە زمانی كوردی پێشكەشی كرد و چەند بڕگە و ڕستەیەكیان بە شێوەیەكی هەڵە وەرگێڕایە سەر زمانی عەرەبی كە وای كرد ڕستە و واتاكانی لە ڕاستی ناوەڕۆكەكەی بێتە دەرەوە.
مەسعود بارزانى سەرۆكی هەرێمی كوردستان و فەرماندەی گشتی هێزەكانی پێشمەرگە، رۆژى چوارشه‌ممه‌ى رابردوو له شارۆچكه‌ى باشيك له وتارێكدا رايگه‌ياند، ئێمە رێككەوتنێكمان هەیە ئەو هێڵەی بەرگری پێشی شەڕی رزگاركردنی مووسڵ بە هیچ شێوەیەك گفتوگۆی لەسەر ناكرێت، ئەو هێڵەی ئێستا ئێمە تیایداین ئامانجمان لەبارەیانەوە ئەوەیە ئاسایشی ئەوان و خەڵكی ناوچەكە پارێزراو بێت و پێشمەرگە پشتیوانیان دەكات،
ده‌قى روونكردنه‌وه‌كه‌ى وته‌بێژى فه‌رمى سه‌رۆكايه‌تى هه‌رێمى كوردستان:
ژمارەیەك لە دەزگای راگەیاندنی عەرەبی باسیان لە وتاری بەڕێز مسعود بارزانی سەرۆكی هەرێمی كوردستان كرد كە رۆژی چوار شەمەی رابردوو لە شاری باشیك پێشكەشی كرد.
ژمارەیەكیش لەو دەزگایانە بە هەڵە باسیان لە بڕگەی كشانەوە و مانەوەی هێزەكانی پێشمەرگە كرد لە ناوچە ئازادكراوەكان لە میانەی ئەو وتارەی كە بەڕێزیان بە زمانی كوردی پێشكەشی كرد و چەند بڕگە و ڕستەیەكیان بە شێوەیەكی هەڵە وەرگێڕایە سەر زمانی عەرەبی كە وای كرد ڕستە و واتاكانی لە ڕاستی ناوەڕۆكەكەی بێتە دەرەوە.
سەرۆك بارزانی لە وتارەكەیدا بەڕونی دووپاتی لەسەر پابەندبوونی هەرێمی كوردستانی بە هەر رێككەوتنێكی لەم بارەیەوە كردەوە و دەقی وەڕگێڕانی فەرمی وتارەكەش لە وێپ سایتی سەرۆكایەتی هەرێمی كوردستان بڵاو بۆتەوە.
وتەبێژی فەرمی سەرۆكایەتی هەرێمی كوردستان
2016/11/17
