چوار سیناتۆری ئه‌مریكی پڕۆژه‌ یاسایه‌كیان دژی توركیا ئاماده‌ كردووه‌

چه‌ند سیناتۆرێكی ئه‌مریكی پڕۆژه‌ یاسایه‌كیان ئاماده‌ كردووه‌ له‌باره‌ی راگرتنی راده‌ستكردنی فڕۆكه‌ی F35 به‌ توركیا، له‌ ماوه‌یه‌كی نزیكیشدا ئه‌و پڕۆژه‌ یاسایه‌ له‌ كۆنگرێس ده‌خه‌نه‌ ده‌نگدانه‌وه‌.

چوار سیناتۆری ئه‌مریكی پڕۆژه‌ یاسایه‌كیان دژی توركیا ئاماده‌ كردووه‌، كه‌ به‌ هیچ شێوه‌یه‌ك ئه‌مریكا فڕۆكه‌ی F35 راده‌ستی توركیا نه‌كات، تا ئه‌و كاته‌ی توركیا په‌شیمان ده‌بێته‌وه‌ له‌ كڕینی مووشه‌كی به‌رگریی S400 له‌ رووسیا.

ئاژانسه‌كانی هه‌واڵی توركیا بڵاویان كرده‌وه‌ ئه‌و چوار سیناتۆره‌ گوتوویانه‌ چۆن ده‌بێت هاوپه‌یمانێكی ناتۆ پشت له‌ ئه‌مریكا بكات و روو له‌ رووسیا بكات.

هه‌روه‌ها گوتوویانه‌ توركیا به‌ به‌های چەندین ملیار دۆلار زیان له‌ خۆی ده‌دات، ئه‌گه‌ر فڕۆكه‌ی F35 ی راده‌ست نه‌كرێت، ئه‌مه‌ش له‌ به‌رامبه‌ر مووشه‌كی به‌رگریی S400.

Back to top button