سەرۆكی فراكسیۆنی یەكگرتوو لە بەغدا, عادل عەبدولمەهدی دەزانێت پارتی حزبێكی مەركەزییە هەمان مامەڵەی ئێستا لەگەڵ كابینەی نوێ حكومەتی هەرێم دەكات
دوای دەست بەكاربوونی عادل عەبدولمەهدی وەك سەرۆك وەزیرانی نوێی عێراق, سەرۆك بارزانی سەردانی بەغدای كرد و پەیوەندیەكانی نێوان هەولێر و بەغدای لەگەڵ تاوتوێكرد كە لە سەردەمی عەبادی تێكچوون, سەرۆكی فراكسیۆنی یەكگرتووی ئیسلامی كوردستان لە پەرلەمانی عێراق رایدەگەیەنێت، سەرۆك وەزیرانی عێراق لەوە گەیشتووە، كە پارتی حزبێكی مەركەزییە.
جەمال كۆچەر، سەرۆكی فراكسیۆنی یەكگرتوو لە پەرلەمانی عێراق رایگەیاندووە، عادل عەبدولمەهدیی سەرۆك وەزیرانی عێراق ”هەمان شێوازی كاركردن لەگەڵ كابینەی ئێستای حكوومەتی هەرێمی كوردستان “ لەگەڵ كابینەی نوێ“ دەكات.
جەمال كۆچەر هەروەها رایگەیاند، عادل عەبدولمەهدی ناتوانێ هیچ كایگەرییەك بخاتە سەر پێكهێنانی كابینەی نوێی حكوومەتی هەرێمی كوردستان، چونكە ”تا ئێستا نەیتوانیوە“ كابینەی حكوومەتەكەی خۆی بە تەواوی پێك بهێنێت و عەبدولمەهدی دەیزانێ، كە پارتی حزبێكی مەركەزییە و گۆڕینی سەرۆكی كابینەكان و كەسایەتییەكانی، هیچ گۆڕنكارییەك لە هەڵوێستی ئەو حزبە دروست ناكات.
سەرۆكی فراكسیۆنی یەكگرتوو لە پەرلەمانی عێراق ئاماژەی بەپێویستیی چارەسەركردنی كێشەكانی نێوان هەولێر و بەغدا كرد و رایگەیاند، ”دەبێ لە ساڵی 2019 (ئەمساڵ) پرسی شنگال، ماددەی 140ـی دەستوور، بودجە و پرسی پێشمەرگە چارەسەر بكرێ و هەنگاوی جددیان بۆ بنرێت.
