سه‌رۆك بارزانی و كۆسره‌ت ره‌سوڵ به ته‌له‌فۆن قسه‌یان كردووه و گه‌یشتوونه‌ته رێككەوتن
له‌تیف شێخ عومه‌ر، گوته‌بێژی یه‌كێتی نیشتمانی كوردستان، رایگه‌یاند، شاندی یه‌كێتی و پارتی له‌سه‌ر بنه‌مای په‌یوه‌ندییه‌كی ته‌له‌فۆنی سه‌رۆك مه‌سعود بارزانی و كۆسره‌ت ره‌سوڵ عه‌لی، جێگری سكرتێری گشتیی یه‌كێتی نیشتمانی كوردستان، گه‌یشتوونه‌ته تێگه‌یشتنی هاوبه‌ش له‌سه‌ر هه‌موو پرسه‌كان.
ئەمە لە كاتكدایە پیشتر (خواكوڕك) بلاویكردەوە كە پارتی دیموكراتی كوردستان و یەكێتی نیشتمانی كوردستان لەسەر پرسی پێكهێنانی حكومەتی نوێی هەرێم رێككەوتن، بەپێی زانیارییەكانی خواكوڕك مەكتەبی سیاسی پێشنیازە نوێكەی پارتی لاپەسەندبوە‌و چاوەروانیش دەكرێت پەرلەمانتارانی فراكسیۆنی یەكێتی بەشداری لەكۆبونەوەی ئەمرۆی پەرلەمانی كوردستان بكەن.
هەرچەندە بڕیار بوو کۆبوونەوەکە دوێنێ سێشەممە ٢ی نیسانی ٢٠١٩ ئەنجام بدرێت، بەڵام دواتر ئومێد خۆشناو، سەرۆکی فراکسیۆنی پارتی لە پەرلەمانی کوردستان ئاشکرای کرد کە لە ڕوانگەی پەرۆشییان بۆ یەکڕیزیی لایەنەکان، ماوەی ٢٤ کاتژمێر دانیشتنەکەیان دواخستووە.
ئەمە لە کاتێکدایە کە ئەمڕۆ چوارشەممە ٣ی نیسانی ٢٠١٩، سەرۆک بارزانی لە وتارێکدا ڕای گەیاند کە کاتی چاوەڕوانیکردن کۆتایی هاتووە و لەم ساتەوە ڕێکارەکانی هەڵبژاردنی سەرۆکی هەرێمی کوردستان و پێکهێنانی حکوومەت ئەنجام دەدرێت.
