بوومەلەرزەیەك باكوری كوردستانی هەژاند
دوای ئەوەی لە ماوەی رابردوو زنجیرەیەك بوومەلەرزە كوردستانی لە هەرچوار بەشەكە گرتەوە, ئەمشەو بومەلەرزەیەكی بەهێز چەند پارێزگایەكی باكوری كوردستانی هەژاند، خۆشبەختانەش زیانی گیانی و ماددیی لێنەكەوتەوە.
بەپێی میدیاكانی توركیا، بومەلەرزەكە كاتژمێر 8:31 خولەكی ئەمشەو بەكاتی ناوخۆی ئەو وڵاتە لە ناوەكانی كوردستانی توركیا رویداوە و گوڕەكەی بە پێوەری رێختەر 5.2 پلەی بووە.
بومەلەرزەكە پارێزگاكانی رۆحاو دیلك و خەرپیتی باكوری كوردستانی هەژاندوەو قوڵای بومەلەرزەكەش 9.4 كیلۆمەتر بووەو دانیشتوانی ناوچەكان هەستیان پێكردوە.
میدیاكانی توركیا رایانگەیاندوە كە دوای بومەلەرزەكە، تیمەكانی فریاگوزاری روداوە سروشتیەكان گەیشونەتە ناوچەكان و زانیارییە سەرەتاییەكانیش باس لەە دەكەن بومەلەرزەكە زیانی گیانی و ماددی لێنەكەوتوەتەوە.
هاوكات دانیشتوانی پارێزگاكانی ئامەدو ماردین و ئورفەو بینگول و مەلاتیا هەستیان بەبومەلەرزەكە كردوە.
