عادل عه‌بدولمه‌هدی گه‌یشته ته‌هرانی پایته‌ختی ئێران
سه‌رۆكی وه‌زیرانی عێراق گه‌یشته ته‌هران و چاوه‌ڕێ ده‌كرێت له‌چه‌ند رۆژی داهاتووشدا سه‌ردانی وڵاتی توركیا بكات.
نووسینگه‌ی سه‌رۆك وه‌زیرانی عێراق ئه‌مڕۆ شه‌ممه رایگه‌یاند : عادل عه‌بدولمه‌هدی ، به‌سه‌ردانێكی فه‌رمی كه ماوه‌ی دوو رۆژ ده‌خاێنێ، گه‌یشته ته‌هرانی پایته‌ختی ئێران .
هه‌روه‌ها ده‌ڵێت: شاندێك كه له ژماره‌یه‌ك وه‌زیر و پیاوانی خاوه‌نكار پێك هاتوون، یاوه‌ری سه‌ردانه‌كه‌ی سه‌رۆك وه‌زیرانی عێراق ده‌كه‌ن .
رۆژی چوارشه‌ممه سه‌رچاوه نزیكه‌كان ئاشكرایان كردبوو كه عادل عه‌بدولمه‌هدی، سه‌رۆك وه‌زیرانی عێراق سه‌ردانی هه‌ریه‌ك له ئێران و توركیا ده‌كات.
سه‌رچاوه / سۆمه‌رییه
