دادگای لاهای داوا له ده‌سه‌ڵاتدارانی سودان ده‌كات عومه‌ر به‌شیر ڕاده‌ستی دادگاكه‌یان بكرێت
دادگای لاهای له وڵاتی هۆڵه‌ندا به‌پێی داواكارییه‌كی ئه‌نجوومه‌نی ئاسایشی نێو‌ده‌وڵه‌تی داوای له ده‌سه‌ڵاتدارانی سودان كرد بۆ ئه‌وه‌ی عومه‌ر به‌شیر سه‌رۆكی له كار لادراوی سودان ڕاده‌ستی دادگایه‌كه بكات .
له‌و باره‌یه‌وه فادی عه‌بدوڵڵا وته‌بێژی دادگای لاهای له پرێسكۆنفرانسێكدا جه‌ختی له‌وه كرده‌وه كه دادگای لاهای هیچ وته‌یه‌كی له‌سه‌ر ڕووداوه‌كانی سودان نییه، به‌ڵام له‌باره‌ی عومه‌ر به‌شیری سه‌رۆكی سودانه‌وه داواكاری هه‌یه و ده‌یه‌وێت سه‌رۆكی دوورخراوه‌ی سودان ڕاده‌ستی دادگایه‌كه‌یان بكرێت.
به‌و پێیه‌ی له‌لایه‌ن ئه‌نجوومه‌نی ئاسایشی نێو‌ده‌وڵه‌تی داواكراوه و تۆمه‌تباره به ئه‌نجامدانی تاوانی جه‌نگ له ناوخۆی وڵاته‌كه‌یدا.
فادی عه‌بدوڵڵا داواشی له كاربه‌ده‌ستانی سودان كرد هاوكارییان بكه‌ن بۆ ڕاده‌ستكردنی عومه‌ر حه‌سه‌ن به‌شیر به مه‌به‌ستی دادگایی كردنی له هۆڵه‌ندا .
