كه‌شناسی: لەبارەی بارانبارینەوە بۆ سەرجەم ھاووڵاتییانی ھەرێمی کوردستان ئاگادارده‌كاته‌وه .. سبەی پێنج شەممە …
بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان، پێشبینییەکانی کەشوھەوای بڵاو کردەوە.
ئەمڕۆ چوارشەممە 17/4/2019، بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە کراوە، ئەمڕۆ لە سەرجەم پارێزگاکانی ھەرێمی کوردستان ئاسمان لەنێوان نیمچە ھەور بۆ ھەوری تەواو دەبێت، ئەگەری بارانبارین ھەیە، لە ناوچە شاخاوییەکان ڕێژەی بارانبارین زیاتر دەبێت.
کەشناسیی ھەرێمی کوردستان ئەوەشی خستووەتە ڕوو، سبەی پێنجشەممە 18/4/2019، لە سەرجەم پارێزگاکانی ھەرێمی کوردستان ئاسمان لەنێوان نیمچە ھەور و پەڵە ھەور و ھەوری تەواو دەبێت، ئەگەری بارینی نمە باران ھەیە.
