تەرمێك لە زێی گەورە دۆزرایەوە
ئەمڕۆ 17/4/2019، لەلایەن دانیشتوانی گوندی قەسرۆكی دۆڵی بیاو لە سنووری ناحیەی خەلیفان تەرمێك لە زێی گەورە دۆزرایەوە.
بە گوێرەی زانیارییەكانی بەڕێوەبەرایەتی بەرگری شارستانی سۆران تەرمەكە لەلایەن دانیشتووانی گوندی قەسرۆك لەناو زێی گەورە دەرھێنراوە، بەڵام نەزانراوە ئەو تەرمە لەكوێ كەوتووەتە ناو ئاو، یان بە ھۆكارێكی دیكە خنكاوە.
لەم بارەیەوە موحسین مستەفا، موختیاری گوندی قەسرۆك گوتی: “ئەمڕۆ لەلایەن ھاووڵاتیانی گوندەكەمان تەرمێك لە زێی گەورە دۆزرایەوە، دواتر چووین تەرمەكەمان ھێنایە ناو گوند، ئێستا چاوەڕێی ھێزەكانی بەرگری شارستانی دەكەین بۆ ئەوەی بێن و تەرمەكەیان رادەست بكەین”.
گوتیشی: “شوێنەواری برینداربوون بە تەرمەكەوە دیارە، بەڵام نازانرێت ئەو كەسە بە رووداوێك كەوتووەتە ئاوەكە، یان خراوەتە ناو رووبارەوە”.
