ھەفتەی داھاتوو بەپێی ئەم خشتەیە مووچەی ھەموو مووچەخوران دابەش دەكرێت

بەپێی ئەو خشتەیەیی دەست میدیاكان كەوتووە وەزارەتی دارایی و ئابووریی حکوومەتی ھەرێمی کوردستان، تا 23/4/2019، مووچەی مانگی یەکی ھەموو مووچەخۆران دابەش دەکات.

لە خشتەكەدا ئاماژە بەوە دراوە كە ، ڕۆژی یەکشەممە 21/4/2019، مووچەی وەزارەتەکانی پلاندانان، گواستنەوە و گەیاندن، شارەوانی و گەشتوگوزار، کشتوکاڵ و ئاودێری و وەزارەتی کارەبا، لەگەڵ مووچەی دیوانی چاودێریی دارایی، مافی مرۆڤ، دەستەی ژینگە، کۆمسیۆنی ھەڵبژاردن، دەزگای مین، دەستەی وەبەرھێنان، دەستپاکی و ناوجە کوردستانییەکان دابەش دەکرێت.

ڕۆژی دووشەممە 22/4/2019، مووچەی وەزارەتەکانی پیشەسازی و بازرگانی، ڕۆشنبیری و لاوان، ئاوەدانکردنەوە، سەرۆکایەتیی پەرلەمان و سەرۆکایەتیی ھەرێم و ئەنجومەنی وەزیران، لەگەڵ مووچەی خانەنشینانی پێشمەرگە خەرج دەکرێت، ھەروەھا ڕۆژی سێشەممە 23/4/2019، مووچەی خانەنشینانی مەدەنی دابەش دەکرێت.

Back to top button