یوڤێنتوس بووە پاڵەوانی ئیتاڵیا
یانەی یوڤێنتوس لە یانەی فیۆرێنتینای بردەوە و نازناوی خولی ئیتاڵیای یەکلاییکردەوە.
لە گەڕی 33ـی خولی ئیتاڵیا یوڤێنتوس پێشوازی لە یانەی فیۆرێنتینا کرد و یارییەکەشی بە ئەنجامی دوو گۆڵ بەرامبەر بە گۆڵێك لێبردەوە.
دوای تێپەڕینی تەنیا شەش خولەک بەسەر یارییەکەدا نیکۆلا میلینکۆڤیچ گۆڵی یەکەمی بۆ ڤیۆلا تۆمارکرد، هەر لەم گێمەدا و لە خولەکی 37 ئالێکس ساندرۆ گۆڵی یەکسانی بۆ یوڤێ تۆمارکرد.
لە گێمی دووەمدا و لە خولەکی 53 جێرمان پێزێلا بە هەڵە گۆڵی دووەمی بۆ یوڤێ لە تۆڕی فیۆرێنتینا تۆمارکرد و سێ خاڵی پاڵەوانبوونی بە خانمە پیرەکە بەخشی.
بەم بردنەوەیە خاڵەکانی یوڤێنتوس بووە 87 خاڵ و پاڵەوانبوونی مسۆگەر کرد پێشکۆتاییهاتنی خولەکە بە 5 گەڕ، فیۆرێنتیناش لە پلەی دەیەمە و 40 خاڵی هەیە.
