نێچیرڤان بارزانى دڵنیایی ده‌دات كه‌ رۆژانێکی خۆشتر چاوەڕێی هەرێمی کوردستان دەکات

ئه‌مڕۆ دووشه‌ممه‌  22 ى 4 ى 2019 ، له‌مه‌راسیمی به‌خشینى خه‌ڵات به‌ كەلیموڵڵا تەوەحودی مێژوونووسی  دیاری كورد نێچیرڤان بارزانی سه‌رۆك وه‌زیرانى هه‌رێمی كوردستان ڕایگه‌یاند ، 6 مانگ به‌سه‌ر پێكهێنانى كابینه‌ى نوێی حكومه‌ت تێپه‌ڕیووه‌، به‌ڵام هه‌مووان دڵنیا ده‌كه‌ینه‌وه‌ كه‌ كابینه‌ى حكومه‌ت پێك دێت .

سه‌رۆك وه‌زیرانى هه‌رێمی كوردستان ڕاشیگه‌یاند ، كێشه‌كان بەشێکن لە دیموکراسی و دەمانەوێت هەموو لایەنە كوردستانیه‌كان بەگوێرەی دەنگەکانیان پشکیان بەر بکەوێت .

نێچیرڤان بارزانى ئه‌وه‌شى خسته‌ ڕوو كه‌ رۆژانێکی خۆشتر چاوەڕێی هەرێمی کوردستان دەکات و بەرەو کوردستانێکی بەهێز هەنگاو دەنێین .

سه‌رۆك وه‌زیران راشیگه‌یاند: ده‌بێت پێكه‌وه‌ كار بكه‌ین بۆ كوردستانێكى به‌هێز و ڕۆژانى خۆشتر چاوه‌ڕوانى كوردستتان ده‌كه‌ن .

نێچیرڤان بارزانى له‌باره‌ى مامۆستا ته‌وه‌حودی رایگه‌یاند، هه‌ولێر و هه‌رێمی كوردستان شانازیتان پێوه‌ ده‌كه‌ین .

ناوبراو ده‌ست خۆشیشى له‌ئه‌كادیمیای كوردی كرد به‌به‌خشینى ڕێزلێنان به‌ كەلیموڵڵا تەوەحودی .

نێچیرڤان بارزانى ڕاشیگه‌یاند: ئێمه‌ گه‌وره‌ترین شانازیمان له‌مێژوودا هه‌یه‌ كه‌به‌یه‌كگرتووی ماوینه‌ته‌وه‌ ، كورد له‌هه‌ر كوێیه‌ك بێت یه‌ك ئامانجی هه‌یه‌ ، كورد تازه‌ هه‌رماوه‌ و به‌كه‌س له‌ناو ناچێت .

ئاماژه‌ی به‌وه‌ش كرد كه‌ ته‌نها ناسنامه‌ و زمان و كلتور ئێمه‌ له‌دونیادا ڕاگرتووه‌ و هێشتووه‌ته‌وه‌ .

له‌به‌شێكى دیكه‌ى وته‌كانى سه‌رۆك وه‌زیرانى هه‌رێمی كوردستان  پیرۆزبایی  121 ساڵه‌ى ڕۆژنامه‌گه‌ری كوردی له‌ته‌واوی ڕۆژنامه‌نووسانى كوردستانى پیرۆز كرد .