کەشناسی رێژەی بارانبارینی ٢٤ کاتژمێری ڕابردووی بڵاوکردەوە
بەرێوەبەرایەتی گشتی کەشناسی بومەلەرزەزانی هەرێمی کوردستان زۆرترین ڕێژەی بارانبارینی ٢٤ کاتژمێری ڕابردووی بڵاویکردەوە و رایگەیاند، لە قەزای پێنجوێن زۆرترین ڕێژەی بارانبارین بووە، بە بڕی ٤٠ ملیمەتر و کەمترین ڕێژەش لە قەزای کەلار باریوە بە بڕی ٠.٢ ملیمەتر.
لە ماوەی ٢٤ کاتژمێری ڕابردوودا لە هەولێر بڕی ٦.٧ ملیمەتر، لە کەرکوک بڕی ١ ملیمەتر بارانباریوە.
هەروەها لە سلێمانی بڕی ١٧.٣ ملیمەتر و لە هەڵەبجە بڕی ١١.٦ ملیمەتر بارانباریوە.
کۆی گشتی ڕێژەی بارانبارین لە سەر ئاستی پارێزگاکان، سلێمانی زۆرترین ڕێژەی بارانبارینی هەبووە بەبڕی ١٢٦٧.٧ملیمەتر و کەمترین ڕێژەش لە پارێزگای کەرکوك بووە بڕی ٥٣٥.٨ ملیمەتربووە.
کۆی گشتی ڕێژەی بارانبارین لە پارێزگای هەولێر ٨٨٨.٢ ملیمەتر بووە، پارێزگای دهۆک ١١٥٧.٧ ملیمەتر بووە و پارێزگای هەڵەبجەش بڕی ١٠٦٠.١ ملیمەتر بووە.
