سەركردەیەكی پارتی: ئێمە‌و كۆمەڵ هیچ خاڵێكی هاوبەشمان نەبوە

ئاراس حەسۆ میرخاس، ئەندامی ئەنجومەنی سەركردایەتی پارتی دیموكراتی كوردستان رایدەگەیەنێت ئەوان‌و كۆمەڵ هیچ خاڵێكی هاوبەشیان نەبوە، باس لەوەش دەكات كادێرانی پارتی ئاسودەن كە لەكابینەی نوێی حكومەت كۆمەڵی ئیسلامی بەشداری ناكات.

ئاراس حەسۆ میرخاس، ئەندامی ئەنجومەنی سەركردایەتی پارتی دیموكراتی كوردستان لەلاپەرەی تایبەتی خۆی لەتۆری كۆمەڵایەتی فەیسبوك نوسیویەتی “زۆر دڵخۆش بوم بەوەی كە ئەمیری كۆمەڵی ئیسلامی ئەم حكومەتەی بە شایانی ئەوە نەزانی كە كۆمەڵ بەشدایی تێدا بكات، چونكە زۆرینەی كادیر‌و لایەنگرانی پارتی ترسی ئەوەیان هەبوە كە جارێكی تر پارتی رازی ببێ‌ ‌و كۆمەڵی ئیسلامی بەشدار بكات”.

راشیدەگەیەنێت ئێستا بەم هەڵوێستەی مامۆستا “عەلی باپیر” كەوادیری پارتی ئاسودەن، پێشی وایە پارتی‌و كۆمەڵ هیچ خاڵێكی هاوبەشیان نەبوە‌و نیە تا پێكەوە حوكمرانی كوردستان بكەن.