قوسەی سەدام و گەنجینەکەی نوگرە سەلمان

عەبدولئەمیر دوبـی ئەندامی ئەنجومەنی نوێنەرانی عیراق دوێنـێ ئاشکرای کرد گروپێکی چەتە هەڵساون بە دزینی پارەیەکی زۆری حەشاردراوی قوسەی کوڕی سەدام لە شاری سەماوە.

عەبدولئەمیر لە تویتێکی سایتی خۆی لە تویتەر نوسیوێتی زیاتر لە 200 ملیۆن دۆلاری ئەمریکی لەلایەن قوسەی لە بەندینخانەی نوگرە سەلمان حەشاردرابوو ئـەم شەو لە لایەن گروپێکی چەتەی نێودەوڵەتی دزراوە.

داواشی لە فەرماندەی گشتی هێزە چەکدارەکانی عیراق کرد بەدواچوونەوەی بەپەلە بکرێت و ئاماژەشی دا کە شەو پەیوەندی بە نوسینگەکەی کردووە بەڵام کەس وڵامی نەداوەتەوە.