ناوەڕۆكی كۆبوونەوەی نێچیرڤان بارزانی و مه‌ولوود چاوشئۆغلۆ بڵاو كرایەوە
كۆبوونەوەی نێوان نێچیرڤان بارزانی سەرۆكی حكوومەتی هەرێمی كوردستان و مەولوود چاوشئۆغلۆ وەزیری دەرەوەی توركیا دەستی پێ كرد.
ئەمڕۆ دووشەممه، نێچیرڤان بارزانی سەرۆكی حكوومەتی هەرێمی كوردستان پێشوازی لە مەولوود چاوشئۆغلۆ وەزیری دەرەوەی توركیا کر، پێش ئەو کۆبوونەوەیە وەزیری دەرەوەی تورکیا لەگەڵ مەسروور بارزانی راوێژکاری ئەنجوومەنی ئاسایشی هەرێمی کوردستان کۆ بوونەوە.
ئێوارەی دوێنێ یه‌ك شه‌ممه مەولوود چاوشئۆغڵۆ وەزیری دەرەوەی توركیا لە بەغداوە گەیشتە هەولێر و چاوەڕوان دەكرێت لەبارەی نەوت و كردنەوەی خاڵێكی تری سنووری نێوان هەرێم و توركیا لەگەڵ بەرپرسانی باڵای كوردستان كۆ ببێتەوە.
چاوشئۆغڵۆ لەكاتی گەیشتنی لە فڕۆكەخانەی نێودەوڵەتی هەولێر لەلایەن سەرۆك وەزیرانەوە پێشوازی لێ كرا و چاودێران پێیان وایە بابەتی وزە تایبەت لەدوای راگرتنی لێخۆشبوونەكەی ئەمەریكا بۆ هەشت وڵاتی هاوردەكاری نەوت و گازی ئێران كە توركیا یەك لەو وڵاتانەیە، ئەنقەرە بۆ دۆزینەوەی جێگرەوەی ئێران لە دابینكردنی وزەی توركیا رووی لە عێراق و كوردستان كردووە
