گوتەبێژی یەکێتی: سبەی ڕێککەوتنی كۆتایی لەگەڵ پارتی واژۆ دەکەین
گوتەبێژی فەرمیی یەکێتیی نیشتمانیی کوردستان بە فەرمی وادەی واژۆکردنی ڕێککەوتنەکەی نێوان پارتی دیموکراتی کوردستان و حزبەکەی ئاشکرا کرد.
کەمێک لەمەوبەر، لەتیف شێخ عومەر، گوتەبێژی فەرمیی یەکێتی لە پرێس کۆنفرانسێکدا رای گەیاند، سبەی یەکشەممە ٥ی ئایاری ٢٠١٩، لە ڕێوڕەسمێکدا لە شاری سلێمانی، ڕێککەوتنەکەی نێوان پارتی و یەکێتی واژۆ دەکرێت کە تایبەتە بە پێکهێنانی کابینەی نوێی حکوومەتی هەرێمی کوردستان.
لە ماوەی ڕابرددوو لە نێوان یەكێتیی نیشتمانیی كوردستان و پارتی دیموكراتی كوردستان دوو ڕێككەوتن واژوو كراون و ئەم ڕێككەوتنەش دەبێت بە ڕێككەوتنی كۆتایی بۆ پێكهێنانی كابینەی نۆیەمی حكوومەت، ئەوەیش دوای داواكاری یەكێتی بۆ زیادكردنی جێگرێكی تر بۆ سەرۆكی هەرێمی كوردستان
