دواین زانیاری لەبارەی واژۆکردنی رێککەوتنەکەی نێوان پارتی و یەکێتی
بۆ یەکلاکردنەوەی پرسی پێکهێنانی حکوومەت
بڕیارە سبەی یەکشەممە 05/05/2019، شاندێکی پارتی بە سەرۆکایەتی نێچیرڤان بارزانی سەردانی سلێمانی بکات.
لەم باریەوە میدیای فەرمی یەکێتی لە زاری لەتیف شێخ عومەر، وتەبێژی یەکێتی بڵاویکردووەتەوە: “سبەی پارتی و یەکێتی رێککەوتنێک لەبارەی پێکهێنانی کابینەی داهاتووی حکوومەتی هەرێمی کوردستان واژۆ دەکەن”.
بەگوێرەی میدیاکانی گۆڕان، سبەی شاندی پارتی کاتژمێر 11:30 خولەکی بەیانی سەردانی بزووتنەوەکە دەکات و پرسی پێکهێنانی حکوومەت تاوتوێ دەکەن.
ئەمە لە كاتێكدایە بەھۆی زۆری داواكاری پۆست و بەركەوتەی حكومەت، لەلایەن یەكێتیەوە، ٢٠٠ رۆژ ھەڵبژاردندا پێپەڕیوە و حكومەتی نوێ پێكنەھاتووە.
پێشتر ھەر یەك لە عەلی عەونی و ھیڤیدار ئەحمەد، رایانگەیاندبوو: ھۆكاری دواكەوتنی پێكھێنانی حكومەت یەكێتی نیشتیمانی كوردستانە.
