خواكوڕك شوێنی بەرھەم ھێنانی حەشیشی پەكەكە لە شنگال ئاشكرا دەكات
![](https://xwakurk.com/wp-content/uploads/2019/05/12F917C2-2B45-4718-8065-A554C28F047C.jpeg)
ماڵپەڕی خواكوڕك لە رێگای چەند شایەد حالێكی ناوچەكەوە، شوێنی بەرھەم ھێنانی حەشیشی پەكەكە لە شنگال ئاشكرا دەكات.
ھاوڵاتیەكی شاروچكەی شنگال بەناوی (خ-ی) كە نەویست ناوی تەواوی بڵاوبكرێتەوە، بە ماڵپەڕی خواكوڕكی راگەیاند: ھێزەكانی پەكەكە و لق و پۆپەكانی لە ناوچەی (سوڵاغ)ـی باشووری شنگال كێلگەی بەرھەم ھێنانی حەشیشی دروستكردووە و لە ئێستادا بەردەوام لەوێوە حەشیش بەرھەم دەھێنرێت و لە رێگای دەروازەی (رەبیعە)ـەوە رەوانەی شاروچكەی حەسەكەی سوریا دەكرێت و بەشێكیشی بە رێگای نا ئاسایی دەگەندرێتە شارۆچكەی كۆیەیی سەر بە پارێزگای ھەولێر.
ئەو سەرچاوەی خواكوڕك ئەوەی ئاشكرا كرد كە پەكەكە رێگا نادات ھیچ كەسێك بە ناوچەی (سوڵاغ)دا بڕوات و ناوچەكە بە ھێزی چەكدار چاودێری دەكرێت، تەنانەت خەڵكی ناوچەكەش ناتوانن بگەڕێنەوە گوندەكانی خۆیان لەم سنوورە.