زیانەکانی نەخواردنی ژەمی بەیانیان بۆ منداڵان

به‌پێی نوێترین لێکۆڵینه‌وه‌ی زانستی نه‌خواردنی ژه‌می به‌یانی له‌ مناڵان مه‌ترسی گه‌وره‌ی هه‌یه‌ له‌سه‌ر دڵ و بۆری خوێنه‌کان، چونکه‌ ده‌بێته‌ هۆی به‌رزبوونه‌وه‌ی ئاستی کۆلیستڕۆڵی خراپ و یورێک ئه‌سید و زیاد بوونی به‌رگری جه‌سته‌ دژی ئه‌نسۆلین.

هه‌روه‌ها خواردنی ژه‌می ناته‌دروست له‌ به‌یانیدا هه‌مان مه‌ترسی هه‌یه‌، بێگومان پێشتر چه‌ندین زیانی نه‌خواردنی ژه‌می به‌یانی له‌ مناڵان ئاشکرا کراوه‌ که‌ گرنگترینینان ئه‌مانه‌ن.

1- دابه‌زینی ئاستی فێربوون و زیره‌کی و نزم بوونه‌وه‌ی نمره‌کانی له‌ خوێندندا.

2- زیاد بوونی ئه‌گه‌ری که‌می مادده‌ی ئاسن و کانزا و ڤیتامینه‌کان.

3- زیاد بوونی ئه‌گه‌ری زۆری کێش و قه‌ڵه‌وی له‌ ته‌مه‌نی مناڵی و له‌ داهاتوودا.

4- دواکه‌وتنی گه‌شه‌ی مناڵ و کورتی باڵا و هیلاکی و شه‌که‌تی و هه‌ست کردن به‌ ته‌مه‌ڵی به‌ به‌رده‌وامی.

5- دەبێتە هۆی بێزاری و گۆشه‌گیری و  نەمانی ئارەزوی خواردن.
6- زیاد بوونی ئه‌گه‌ری تووشبوون به‌ نه‌خۆشی شه‌کره‌ و شێرپه‌نجه‌ له‌ داهاتوودا.