كیم جۆنگ ئۆن هه‌ڕه‌شه ده‌كات و ئامانجی دوور مه‌ودا ده‌پێكێ
ئاژانسی فه‌رمی كۆریای باكور ئه‌مڕۆ هه‌ینی بڵاوی كرده‌وه، كه سه‌رۆكی وڵاته‌كه‌یان كیم جۆنگ ئۆن فه‌رمانی كردووه، به ئه‌نجامدانی مانۆرێكی جه‌نگی بۆ وه‌شاندنی گورزی دوور مه‌ودا، ئه‌مه‌یش دوای ئه‌وه دێ كه سیئۆل ئاشكرای كرد، پیۆنگیانگ مووشه‌كێكی تری كورت مه‌ودای تاقی كردووه‌ته‌وه.
ئاژانسه‌كه نووسیویه‌تی، فه‌رمانده‌ی باڵای وڵات كیم جۆنگ ئۆن فه‌رمانی داوه كه مانۆرێكی گه‌وره‌ی سه‌ربازی بۆ وه‌شاندنی گورز له ئامانجی دوور مه‌ودا ده‌ركردووه.
ڕاگه‌یاندنی ئه‌و مانۆره سه‌ربازییه‌ی كۆریای باكور دوای ڕۆژێك دێ له ڕاگه‌یه‌نراوی وه‌زاره‌تی دادی ئه‌مه‌ریكا، كه ده‌ستبه‌سه‌ردا گرتنی كه‌شتییه‌كی گه‌وره‌ی سه‌ر به كۆریای باكوری به تۆمه‌تی پێشێلكردنی سزاكانی سه‌ر پیۆنگیانگ ڕاگه‌یاند، له‌وكاته‌ی خه‌ریكی گواستنه‌وه‌ی خه‌ڵووز بوو به شێوه‌یه‌كی ناشه‌رعی هێزه‌كانی ئه‌مه‌ریكا گرتوویانه.
ئه‌و هه‌نگاوه‌ی ئه‌مه‌ریكا پێوه‌ندییه‌كانی نێوان هه‌ردوو وڵاتی به‌ره‌و گرژی زیاتر ئاراسته كردووه‌ته‌وه، چونكه هه‌ر دوای گرتنی كه‌شتییه‌كه‌ی كۆریای باكور، كیم جۆنگ ئۆن فه‌رمانی كرد دوو مووشه‌كی كورت مه‌ودا تاقی كرانه‌وه، ئه‌مڕۆیش فه‌رمانی ده‌ركردووه، كه مانۆرێكی گه‌وره‌ی سه‌ربازی بۆ پێكانی ئامانج له مه‌ودای دوور ده‌ست به ئاماده‌كاری و جێبه‌جێكردنی ده‌كرێت.
