سوودە تەندروستییەکانی خواردن و بەکارهێنانی کەرەوز
کەرەوز سەوزەیەکی بەسوودە و دەتوانرێت بۆ چێژ وەرگرتن لە ژەمێکی بەتام و تەندروست لەگەڵ ژەمە خۆراکە جۆراوجۆرەکانی وەک (زەڵاتە، مەعکەرۆنی، سوپ، لەفە) بەکاربهێنرێت، لەهەمانکاتدا خواردنی کەرەوز چەندین خۆراکی گرنگ دەدات بە پێست و قژ.
کەرەوز بە ڤیتامین C دەوڵەمەندە، کە بۆ بەرهەم هێنانی کۆلاجین و پاککردنەوەی پێست، پاراستنی بە باشی بەسوودە، بەرزی ڕێژەی ڤیتامین K تێیدا یارمەتی جیڕکردنەوەی پێست و درەنگ چرچبوونی دەدات، یارمەتی زووتر ساڕێژبوونی برینی پێست و کەمبوونەوەی سوربونەوەی پێست دەدات.
خواردنی کەرەوز ڕێژەیەکی باشی کانزا جۆربەجۆرەکانی وەک کالسیۆم، پۆتاسیۆم، مەنگەنیز، ئاسن، زینک و مسی تێدایە، ئەم کانزایانە گرنگییەکی زۆریان هەیە بۆ پاراستنی تەندروستی پێست و پاک ڕاگرتنی.
بەکارهێنانی کەرەوز بەشێوەیەکی ڕێک و پێک لە ژەمە خۆراکەکاندا، ڕێژەی دەرچوونی لەڕادەبەدەری چەوری لە پێستە چەور و گەرمەکاندا هاوسەنگ دەکات، بوونی زەیتی “ڤۆڵتایڵ” لە کەرەوزدا کاریگەرییەکی دژە بەکتریای هەیە لەسەر کونیلەکانی پێست، گرنگییەکی باشی هەیە بۆ کەم بوونەوەی دروستبونی زیپکە.
بەرزی ڕێژەی ڤیتامین C لە کەرەوزدا دژە ئۆکسیدبوون دەدات بە خانەکانی پێست، ئەمەش دەبێتە هۆی کەمتر هەستیاربوون و کولانەوەی پێست، کە دەکرێت هۆکارێک بن بۆ دروستبوونی زیپکە و دومەڵ.
هەر لە کۆنەوە کەرەوز وەک دەرمانێکی بەهێزکەری قژ بەکارهێنراوە، دەتوانیت بە ئاوی کەرەوز پێستی سەرت بشێلیت ئەمەش دەبێتە هۆی بەهێزبوونی قژ، .ئەگەر ڕێژەیەکی زۆر کەرەوز بخۆیت یاخود بەشێوەی مەساج بەکاریبهێنیت، بەهۆی ڕێژەی ئەو (مس) کە لە پێکهاتەکەیدایە ڕەنگی قژ جوان و بریقەدار دەکات.
