سەرۆك بارزانی پێشوازی لە نوێنەری تایبەتی سكرتێری گشتیی ڕێكخراوی نەتەوە یەكگرتووەكان دەكات
![](https://xwakurk.com/wp-content/uploads/2019/05/B745ABEE-C979-4864-9C63-44B08B9B9578.jpeg)
ڕۆژی دووشەممە 13ـی 5ـی 2019 لە سەلاحەددین سەرۆك مەسعود بارزانی پێشوازی لە خاتوو جێنین هێنس پڵاسخارد نوێنەری تایبەتی سكرتێری گشتیی ڕێكخراوی نەتەوە یەكگرتووەكان لە عێراق كرد.
لە دیدارەكەدا بارودۆخی سیاسیی و دوا گۆڕانكارییەكان لەسەر ئاستی عێراق و ناوچەكە تاوتوێ كرا.
هەروەها ڕۆشنایی خرایە سەر پڕۆسەی سیاسیی هەرێمی كوردستان و نوێنەری تایبەتی سكرتێری گشتیی ڕێكخراوی نەتەوە یەكگرتووەكان هەنگاوەكان بۆ خێراتركردنی پڕۆسەی سیاسی و هەڵبژاردنی سەرۆكی هەرێم و پێكهێنانی حكوومەتی هەرێم بە هەواڵێكی دڵخۆشكەر بۆ هەموو لایەك لە قەڵەم دا.
بارودۆخی ناوچەكانی ماددەی سەد و چلی دەستووری عێراق و پەیوەندییەكانی نێوان هەولێر و بەغدا و ڕۆڵی نەتەوە یەكگرتوووەكان لە یارمەتیدانی هەردوولا بۆ چارەسەركردنی كێشەی نێوانیان تەوەرێكی دیكەی ئەو دانیشتنە بوو.