حووسیەکانی یەمەن چەند ناوەندێکیان لە سعوودیە کردە ئامانج
ئاژانسی رۆیتەرز بە پشتبەستن بە تلویزیۆنی ژێر دەسەڵاتی حووسیەکانی یەمەن باس لەوە دەکات ، ئەم هێزانە کە سەر بە کۆماری ئیسلامی ئێرانن لە ریگەی فڕۆکەی بێ فڕۆکەوان چەند شوێنی گرینگی ناو سعوودیەیان کردۆتە ئامانج.
کەناڵی ( ئەلمسیرە ) ڕوونکرنەوەی لە سەر شوێن و کاتەکە نەداوە ، تا ئێستا سعوودیە لەم بارە کاردانەوەی نەبووە ، ئەوە لە کاتێکدایە ریاز رۆژێک پێشتر ڕایگەیاندبوو دوو تانکی نەوتی ئەو وڵاتە رۆژی یەکشەم 12 ی مای لە کەنارئاوەکانی ئیمارات کەوتوونەتە بەر هێرش و خەساریان پێ گەیشتووە .
کەناڵی ئەلمسیرە کە لە لایەن حووسیەکانەوە بەرێوە دەچێت لە زاری بەرپرسێکی سەربازی خۆیانەوە ئاشکرای دەکات کە لە ڕێگەی حەوت فڕۆکەی بێ فڕۆکەوانەوە چەند ناوەندێکی گرینگی سعوودیەیان کردۆتە ئامانج
