سوودە گرنگەکانی توێکڵی پەتاتە بزانە!
توێكڵی په‌تاته ئه‌گه‌رچی لای هه‌ندێك خه‌ڵك به پیس داده‌نرێت و پێیان وایه ته‌نیا بۆ پاراستنی ناوه‌وه‌ی په‌تاته دروست بووه و دواتر ده‌بێت فڕێ بدرێت، به‌ڵام چه‌ند سوودێكی گرنگی هه‌یه كه ناچارت ده‌كات به‌كاری بێنیت.
ئاشكرایه كه توێكڵی په‌تاته ده‌وڵه‌مه‌نده به ماده‌ی ئاسن، كالسیۆم، پۆتاسیۆم و ڕیشاڵه خۆراكییه‌كان، ئه‌مه‌ش وای كردووه سوودێكی زۆر به جه‌سته‌ی مرۆڤ بگه‌یه‌نێت و بۆ زۆر شتی باش به‌كار بێت.
هه‌ندێك له به‌كارهێنانه‌كانی توێكڵی په‌تاته:
_ ده‌توانیت بۆ شووشتن و سپیكردنه‌وه‌ی مه‌نجه‌ڵ و كه‌لوپه‌لی ستیل به‌كاری بهێنیت.
_ چه‌ند پارچه توێكڵێكی په‌تاته بخه ناو زه‌یتی به‌كارهاتووه‌وه، با بۆ ماوه‌یه‌ك تیای بمێنێت و دواتر زه‌یته‌كه بپاڵێوه، ده‌بینیت بۆنی چه‌ند خۆش بووه و بۆ دووباره به‌كارهێنانی گونجاوه.
_ ئه‌گه‌ر شوێنێكی سووتاویت هه‌بوو، پارچه‌یه‌ك توێكڵی په‌تاته‌ی له‌سه‌ر دانێ، به زووترین كات ئازار ڕاده‌گرێت و چاكی ده‌كاته‌وه.
_ ده‌توانیت بیچێنیت بۆ ئه‌وه‌ی په‌تاته‌ی ترت بۆ بڕوێت.
_ له‌ناو هه‌ر ڕووه‌كێك داینێیت، گه‌شه‌كردنی خێرا ده‌كات.
_ سووربوونه‌وه و په‌ڵه‌ی دوای تیشكی خۆر له ڕووخسارت چاك ده‌كاته‌وه، ئه‌گه‌ر ته‌نیا بۆ ماوه‌یه‌كی كه‌م له‌سه‌ر ڕووخسارت دایبنێیت.
_ ئه‌گه‌ر هیچت نه‌بوو بیده‌ی به سه‌گ، پشیله یان مریشكه‌كانت، توێكڵی په‌تاته باشترین خۆراكییانه.
_ چه‌ند پارچه توێكڵێكی په‌تاته له‌ژێر چاوت دانێ، به ماوه‌یه‌كی كه‌م له په‌ڵه و ڕه‌شی ژێر چاو ڕزگارت ده‌بێت.
_ توێكڵی په‌تاته جوان بشۆره‌وه، له‌گه‌ڵ به‌هاراتی تایبه‌ت تێكه‌ڵی بكه و سووری بكه‌ره‌وه، جبسێكی به‌تامت بۆ دروست ده‌بێت.
