سەرۆک وەزیرانی عێراق:کوردستان بەدیلی گەروی ھورمزە
عادل عه‌بدولمه‌هدی، سه‌رۆك وه‌زیرانی عێراق لە میانەی وتاری ھەفتانەی خۆیدا ئاماژەی کرد بەوەی کە عێراق جێگره‌وه‌ی ستراتیژی دیكه‌ی داناوه، بۆ ئه‌و كاته‌ی كە گه‌رووی هورمز داده‌خرێت
عادل عەبدولمەھدی دەڵێت: بۆ هێوركردنه‌وه‌ی گرژییه‌كانی نێوان ئێران و ئه‌مه‌ریكا، دوو شاندی جیاوازمان ره‌وانه‌ی تاران و واشنتن كردووه.
عه‌بدولمه‌هدی له میانه‌ی گوتاری هه‌فتانه‌یدا گوتی: “عێراق له قۆناخی ئاڵوگۆڕكردنی په‌یامه‌كانه له نێوان واشنتن و تاران، هه‌موو هه‌وڵێكیش ده‌ده‌ین بۆ ئه‌وه‌ی دۆخه‌كه هێور ببێته‌وه”.
ئاماژه‌ی به‌وه‌شدا، “له ئه‌گه‌ری داخستنی گه‌رووی هورمز به‌غدا چه‌ند جێگره‌وه‌یه‌كی دیكه‌ی ستراتیژی بۆ هه‌نارده‌كردنی نه‌وته‌كه‌ی داناوه” و جه‌ختی له‌سه‌ر گرنگی كاركردن له‌گه‌ڵ هه‌رێمی كوردستان و توركیا كرده‌وه، كه دووه‌م رێڕه‌وی هه‌نارده‌ی نه‌وتی عێراقن بۆ گه‌یشتن به بازاڕی وزه‌ی جیهانی.
