محەمەد ئەمین کارداش: نێچیرڤان بارزانی دشێت کوردستانێ ژ هەموو ڕوویان ڤە پێشبێخیت
سەرۆکێ گشتی یێ پارتی دیموکراتی کوردستان- تورکیا (PDK-T) دبێژیت: “هەلبژارتنا نێچیرڤان بارزانی بۆ سەرۆکاتیا هەرێمی پێنگاڤەکا دیرۆکی بوو بۆ تەڤاهیا گەلێ کورد ل هەموو جیهانێ.
محەمەد ئەمین کارداش، بۆ ماڵپەرێ فەرمیی یێ پارتی دیموکراتی کوردستان دیارکر، ژ بەر ئەزموونا دیارا نێچیرڤان بارزانی، ئەو دشێت باندۆرەکا مەزن ل دەڤەرێ بکەت د رێکا پۆستێ سەرۆکاتیا هەرێمێ دا.
گۆتژی: “نێچیرڤان بارزانی دشێت درێژەپێدەرێ رێبازا سەرۆک بارزانی بیت، چونکی ئەڤ ڕێبازە یا کورد و کوردستانیبوونێ یە.
ناڤهاتی دیار ژى کر، نێچیرڤان بارزانی دهەموو بیاڤان دا ب دیبلۆماسیەتا خۆ کوردستانێ ژ هەموو ئالیان ڤە پێشبێخیت، و ببیتە پالشتێ کوردستانیان ل جیهانێ.
