هەناردەی نەوتی ئێران نزمترین ئاساتی تۆماركرد بۆ ژێر 400 هەزار بەرمیل دابەزیوە
![](https://xwakurk.com/wp-content/uploads/2018/12/1-50.jpg)
دوای ئەوەی ئەمریكا بڕیاری كڕینی نەوتی ئێرانی لە لایەن وڵاتانی جیهان خستە واری جێبەجێكردن, ئاژانسی رۆیتەرز بە كەڵك وەرگرتن لە ئاماری سەرچاوە پیشەییەكان و ڕێڕەوی نەوت كێشەكانی دەریایی و بە لەبەر چاوگرتنی كۆتایی هاتنی ماوەی لێخۆشبوونی كڕیارانی نەوتی ئێران دەنووسێت ، هەناردەی نەوتی ئێران بە رێژەیەكی بەرچاو دابەزیوە .
ئێران تاكوو پێش گەمارۆكان لە مانگی دووەمی پاییزی ساڵی پاردا ڕۆژانە بە بەردەوامی 2.5 ملیۆن بەرمیل نەوتی هەناردە دەكرد ، بەڵام ئەم ئامارە لە شەش مانگی لێخۆشبوونەكانی ئەمریكا بۆ كڕیارانی نەوتی ئێران گەیشتە یەك ملیۆن بەرمیل لە رۆژێكدا و لە نیوەی دووهەمی مانگی مای دا لێخۆشبوونەكان هەڵگیران .
ئەمریكا هەڕەشەی كردووە ، هەر وڵاتێك نەوت لە ئێران بكرێت گەمارۆی بەسەردا دەسەپێنێت ، بەو حالەشەوە تا ئێستا ڕوون نییە ئەم نەوتەی لە مانگی مای دا بەرێ كراوە بۆ چین ، فڕۆشراوە یان لە مەخزەنەكاندا ، هەڵگیراوە .
ناوەندی پیشەیی و كۆمپانی ( ڕفینیتوو ) كە چاودێری ڕێرەئاویەكان دەكات بۆ ڕاگوێزانی نەوت و كەڵ و پەلی بازرگانی بە ڕۆیتەرزی ڕاگەیاندووە بار كردنی نەوتی ئێران لەم مانگەدا گەیشتۆتە ژێر 400 هەزار بەرمیل ، ئەوە لە كاتێكدایە ئەم نەوتەش بەڕێی بازاڕەكانی رۆژهەڵارت ناوەراستی كراوە .