مەسرور بارزانی: پشتیوانی و هاوکاریمان بۆ نێچیرڤان بارزانی بەو پەڕی تواناوە دەبێت 

بە بۆنەی دەست بەکار بوونی نێچیرڤان بارزانی وەک سەرۆکی هەڵبژێردراوی هەرێمی کوردستان ، مەسرور بارزانی وێڕای پیرۆزبایی کردنی دووبارەی ، پشتیوانی و هاوکاری خۆی دووپات کردۆتەوەو دەڵێت : بەو پەڕی تواناوە پێکەوە بەرەوگەشانەوەی  کوردستانێکی بەهێز هەنگاو دەنێین .

پیرۆزبایی و پشتگیری کردنی نێچیرڤان بارزانی  لە ڕێگەی پەیامێکی نوێی مەسرور بارزانی ئاراستەی ڕاگەیاندنەکان  کراوە و  ئەو کۆپیەی بۆ خواکورک نێردراوە تەیدا هاتووە .

دەقی پەیامە

‎بەبۆنەی دەست بەکاربوونی سەرۆکی ھەرێمی کوردستان، پیرۆزباییەکی گەرم لەبرای بەڕێزم کاک نێچیرڤان بارزانی دەکەم و ئومێد دەخوازم ئەم ئەرکە پیرۆزە بەباشترین شێوە بەڕێوەبەرێت و لە ژێر ڕابەرایەتی سەرۆک بارزانی بتوانین پێکەوە کوردستانێکی بەھێز بنیات بنێین و لە خزمەت بەرژەوەندییە باڵاکانی گەل و نیشتمان، تواناکانمان یەکبخەین و بەرەوپێشەوە ھەنگاو بنێین.

‎ھیوام سەرکەوتنتانە و وەک ھەمیشە لە پاڵپشتی و ھاوکاری بەردەوام دەبین.

‎مەسرور بارزانی

١٠/٦/٢٠١٩