گرتەیەکی فیدیۆیی تێوەگلانی سوپای پاسداران ئاشکرا دەکات لە سەرکەوتنی ئەحمەدی نەژاد لە ساڵی 2009
پاش تێپەڕبوونی 10 ساڵ بەسەر هەڵبژاردنەکانی سەرۆک کۆماری ئێران لە ساڵی 2009 ، ئەو کات بزووتنەوەی چاکسازی گوتیان گومانمان هەیە سوپای پاسداران ساختەکاریەکی زۆریان ئەنجام دابێت ، بەتایبەتی پاش ڕاگەیاندنی ئەنجامەکان و سەرکەوتنی ئەحمەدی نەژاد
لە دوای هەڵبژاردنەکانی ساڵی 2009 و لە کۆبوونەوەیەکی نهێنی دا فەرماندەی سوپای پاسداران محەممەد عەلی جەعفەری و فەرماندەی بەسیج محەممەد ڕەزا نەقدی و حسێن تائیب نوێنەری خامنەیی لە نێو سوپای پاسداران گرتەیەکی فیدیۆییان بڵاو بۆتەوە کە تیایدا ئاماژەیان داوە بە دەستێوەردانی سوپای پاسداران و خودی عەلی خامنەیی لە ئەنجامی هەڵبژاردنەکان
محەممەد عەلی جەعفەری گوتی هەر چەند نزیك ئەبوینەوە لە ڕۆژی دەنگدان زیاتر نیگەران ئەبووین چونکە وای بۆ ئەچووین ئەنجامەکە لە بەرژەوەندی چاکسازیخوازان و میر حسێن مووسەوی بشکێتەوە و ئەمەش هێڵی سوورە بۆ سوپای پاسداران ، بۆیەش بڕیارمان دا کار بۆ گۆڕینی ئەنجامەکان بکەین بۆ بەرژەوەندی ئەحمەدی نەژاد، کاندیدی باوەرپێکراوی سوپا و عەلی خامنەیی
