ئه‌مریكا نامه‌یه‌ك بۆ سه‌ڵاحه‌دین محه‌مه‌د به‌هائه‌دین ده‌نێرێت
خواكوڕك
شه‌وی 23/11/2016 كونسوڵخانه‌ی گشتی ویلایه‌ته‌یه‌كگرتووه‌كانی ئه‌مریكا له‌هه‌ولێر هاوخه‌می خۆی بۆ تیرۆركردنی مامۆستا وشیار ئیسماعیل ده‌رده‌برێت و ده‌ڵێت، تكایه هاوخه‌می ئێمه‌ش بگه‌یه‌نن.
كێن كرۆس كونسوڵی گشتی ویلایه‌ته‌یه‌كگرتووه‌كانی ئه‌مریكا له‌هه‌ولێر له‌نامه‌یه‌كی كراوه‌دا كه بۆ به‌ڕێز سه‌ڵاحه‌دین محه‌مه‌د به‌هائه‌دین ده‌ینوسێت هاتووه، :”به‌داخه‌وه هه‌واڵی مه‌رگی دكتۆر وشیار ئیسماعیلمان پێگه‌یشت ،تكایه سه‌ره‌خۆشی ئێمه قه‌بوڵ بفه‌رموون”.
كونسه‌ڵی گشتی به ئه‌مینداری گشتی یه‌كگرتوو راده‌گه‌یه‌نێت، “ده‌زانم جه‌نابتان هاورێ و هه‌ڤاڵێكتان له‌ده‌ستدا كه په‌یامی ئاشتی و لێبورده‌یی بوو، ئێمه هه‌ست به‌ئازاری له‌ده‌ستدانی سه‌ركرده‌كان ده‌كه‌ین، خوالێی خۆشبوو یه‌كێك بوو له‌م سه‌ركردانه”.
هه‌روه‌ها له نامه‌كه هاتووه، “تكایه رێز و سڵاوی من بگه‌یه‌نن به خانه‌واده‌ی خوالێخۆشبوو، من متمانه‌م هه‌یه به‌گه‌رانه‌وه‌ی ئاسوده‌یی بۆ هه‌موتان له‌دوای ماوه‌ی ئه‌م ماته‌مینیه‌و له‌وكاته‌ی ئێوه ره‌نگدانه‌وه‌ن بۆ ئه‌و حیكمه‌تانه‌ی كه خوالێخۆشبوو گه‌یاندی به‌و كه‌سانه‌ی كه گوێرایه‌ڵی قسه‌كانی بوون”.
